Thursday , January 18 2018

पूजाको ‘स्टारडम’

‘थ्री लभर्स’मा सानो भूमिकामा अभिनय गरेकी थिइन्, पूजा शर्माले । उनको भूमिका कसैले ‘नोटिस’सम्म पनि गरेको थिएन । तर, निर्देशक सुदर्शन थापाले भीडमा पनि उनलाई चिने । त्यसयता निरन्तर उनलाई लिएर सुदर्शनले ‘मधुमास’, ‘चंखे शंखे पंखे’ र ‘प्रेमगीत’बनाए । तेस्रो फिल्म ‘प्रेमगीत’ले दुवैको साख बचायो । पूजाको डुब्न लागेको करिअर बौरियो । त्यसयता पूजाको चुरीफुरी हेर्नलायक छ । यसको नजारा हालसालै उनले विनाकाम मान्छे कुराएर देखाइदिइन् ।


निर्माण टिमले पूजाकै जन्मदिन पारेर ‘म यस्तो गीत गाउँछु’को गीत रिलिज कार्यक्रम राखेको थियो । साँझ ५ बजे पत्रकारसहित सबैलाई निम्तो थियो । तर, ७ बज्दासम्म पनि कार्यक्रम सुरु हुने छाँट थिएन । दुई–दुई घण्टा कुर्दा पनि कार्यक्रम सुरु नभएपछि पत्रकारले चासो राख्दा थाहा भयो, निर्माण टिम पूजालाई कुरेर बसेको रहेछ । ७ बजेपछि पूजा ढल्कँदै आइन् र पोज दिन व्यस्त भइन् । पछि केक काट्नुअघि औपचारिक सम्बोधनमा पनि उनले फिल्म युनिटका मानिसको तारिफमा पुल बाँध्न भ्याइन् तर दुई–दुई घण्टा कुराएकोमा ‘सरी’ भन्न भ्याइनन् । उनको रवैया देखेपछि एक पत्रकारले प्रश्न गरे, ‘के यो पूजा स्टार भएको लक्षण हो ?’

Check Also

अभिनेत्री रेखा थापाकाे आइटम डान्स

धेरै वर्षको अन्तरालमा अभिनेत्री रेखा थापाले आइटम डान्स गरेकी छिन् । उनले आइटम डान्स गरेको …